من طرف 7mada الجمعة مايو 29, 2009 5:05 amبسم الله الرحمن الرحيم
بما ان الشيخ رجب بدأ فى نشر الفضايح فأنا هقولك على احلى المفارقات اللى حصلت ف الوفد اول يوم الساعة 5 بعد ما حملنا الخشب ع العربية عايزيين نروح بقى المعسكر مش لاقيين عربية فيها 9 كراسى تودينا ابو قير فركبنا المندرة و اخدنا اخر 3 صفوف كراسى و طول السكة من اول المكتبة لحد ما و صلنا المندرة و احنا بنهيس بالبندير و كنا مبهدليين الدنيا و بعد ما و صلنا استنينا العربية اللى فيها الخشب نزلنا الخشب نست اقولكم و احنا بنحمل الخشب انا كسرت فانوس العربية المهم نزلنا الخشب و طلعنا نقعد ع القهوة لحد الساعة 12 لأن الشغل بدا من الساعة 12 شوية و استاذ محمود راح جاب العشا و دفع الحساب كتر خيرة و الله دخلنا و اتعشينا و بدأنا شغل لحد الساعة 6 الصبح و جه القائد بندق يقول لقرقوشة هات الناس يتدربوا سمر راح قرقوشة قايله فكك الناس عايزه تنام بندق كان بيتجن و بيقلب و شه و يمشى فضل يومين قرقوشة يعمل معاه كده و ف التالت بندق قاله لاء هات الناس و رحنا المهم بعد ما نمنا الساعه 6 صحينا الساعه تسعه علشان كان فى تسميع دينى بعد صلاة الجمعه قومنا قعدنا نراجع انا و مصطفى و رجب ولما قربت صلاة الجمعه قومنا نلبس كشفى افاجئ بأن القميص اللى جايبنهولى كان مقاسه اكس لارج و ان اساسا بلبس ميديم المهم لبسته على اساس انه هيتغير مصطفى الحزام بتاعة ما قفلش راح بيه مدلدل المهم رحنا الجامع و بعد الصلاه مستنين نسمع نبص نلاقى كل كليه بعتا جيش و احنا 3 مش دى المشكله المشكله لما جينا نسمع انا عن نفسى ما افتكرتش غير نصف صفحه من نصف جزء و الشيخ رجب زيى اما مصطفى فأنا ماعرفش سمع قد اية المهم رحنا كملنا شغل فى الأرض و عدا اليوم تالت يوم اول ما صحيت خدونى خدمة عامة قعدت انظف ارض طابور العرض بعدها جوبا جه و قالى روح انت بعد شويه جم خادونا نعمل بروفه طابور العرض و عطلونا و احنا ارضنا كانت لسة ما خلصيتشيوم الأحد بقى يوم افتتاح الدورة جهزونا علشان العرض لبسنا كشفى و القميص اللى كبير عليا و رحنا عملنا بروفه اخيرة و بعدها بدأ العرض و الدنيا كانت حر و فضلنا و اقفيين ف الشمس لحد ما كل واحد قال كلمته و بعديين جت تحية العلم كانوا 3 اعلام هيترفعوا ( مصر و اسكندريه و علم الدورة ) و بندق و جوهر و اسكوتر هما اللى رفعوهم اسكوتر ركب علم اسكندريه غلط و بعد ما بدأ يرفعوه اكتشف نزلوا و عدلوا المهم روحنا ع الأرض بتاعتنا و جه رئيس الجامعة و بعده جه العميد و د/ جمال و موظفيين رعاية الشباب و اتصوروا معانا و مشيوا ف اليوم اللى قبله النتيجه جتلنا و كان الوفد كله شايل مواد إلا بيجو فكنا هنرحله بالليل بقى كان اول يوم ف الأسمار و كان سمر ابو قير قرقوشه قال مين عايز يقعد سواعد الوفد كله عمل هندى رست القرعه على بيجو يستاهل علشان نجح جينا من السمر و روحنا ندرب سمر نست اقولكم الشيخ رجب كان بيصلى الفرض ف نصف ساعة جينا بقى ليوم الأثنين و سمرنا كان الثلاثاء يومها خدنا الوطنيه و الصقفه و قعدنا نراجع باقى الأغانى خلصنا الساعة 5 الصبح نمنا و صحينا الساعة 6يوم الثلاثاء بقى بندرب سمر طوال النهار و لحد قبل السمر بساعه و نصف و احنا زى الزفت بعد كده عملنا بروفه جمادة و كان موجود شكرى و هيثم جهينه و قالولنا كدة كفايه دخلنا حلقة السمر اول مرة ننزل بقى فكانت اعصابنا مدمرة و لما نزلنا انا قاعت التوب بتاع الترينج و نسيت اقلع الويست باج و ماحسيتش بيها غير ف الوطنيه و كنا عاملين سمر كويس لحد زجل الوطنيه و بلاش اقول ع اللى حصل و الوطنية ما تنغتش اساسا لأنها كانت صولو و قرقوشه نسيها المهم بعد السمر كلنا طالعيين مش سامعيين نفسنا اليوم اللى بعده كان خلويه اخر يوم الساعة 12 بالليل كنا بنغك الأرض النور قطع كنا بندور على جوبا علشان ما حدش يخبط فيه و بعدها جه تانى كنت انت و بيجو و جمى بنفك البوابه كنت انا و بيجو فوق و جيمى تحت راح جيمى فور العرائض اللى احنا واقفيين عليها راح بيجو بيعدينى راح و اقع من فوق البوابة بقيت انا لوحدى و انتوا عارفيين ايه اللى حصل لتيتو لما رقص فوق الخشبه
هو ده اللى انا فاكرة لو حد فكر حاجة تانى يقولى
