من طرف ???? الأربعاء يونيو 03, 2009 11:09 amمرحبا بكم فى جوانتنامو
هذا الشعار الذى ارتفع عاليا و ردده معظم مراقبى لجان الفرقة الاولى بكلية السياحة و الفنادق فور افتتاح السجن يوم 27 مايو 2009.
حيث استهلوا افراد الفرقة الاولى كانهم مجموعة من المسجونين او اسرى الحرب الذى لا يستحقون الحياة الكريمة بل اذا كان بامكانهم ان يعاملوننا معاملة المحكوم عليه بالاعدام لفعلوا .
كما تعاملوا مع الطلاب بمبدا اذا شكيت فيك فانت مذنب دون الحاجة الى ادلة ضاربيين بقوانين الدستور التى يعطى الحق لافراد الشعب كلهم حيث يعتبر المتهم برىء حتى تثبت ادانته .
كما تم تطبيق العديد من الاحكام العرفية لحفظ النظام و الامن و منها ممنوع دخول الحمام لاى ظرف و حدثت فعلا ان احد الطلاب فى احدى اللجان يعانى من حالة مرضية تستدعى نزوله الى الحمام و لكن المراقب الذى تقمص دور مامور السجن قاله بالحرف الواحد يا تسلم ورقتك و تنزل الحمام و مترجعش يا اما تفضل قاعد و طبعا الواد منزلش ووصلت الدرجة انه محلش سؤال و سلم الورقة و نزل الحمام اما المثير للسخرية ان مامور الس .. اقصد المراقب طالبه بعمل كموسيون طبى و استخراج ورقة بانه يعانى من حالة مرضية و طبعا عقبال ما يطلعها يبقى الامتحانات خلصت اقصد فترة اعتقاله خلصت .
ده غير كده و كده بما انه معتقل يجمع بين الجنسيين فتم تعيين مامورة ايضا للسجن و بصراحة تقمصوا الدور باحترافيه لانه و بمجرد الشك فى ان احدى الفتيات تغش عن طريق التليفون سارعت المامورةو شدت الطالبة كما يشد العربجى الحمار سجن سجن يعنى ههههه قمة تقمص الدور و طبعا ملقتش حاجة و رجعت البت لمكنها.... و المثير للسخرية انى لقيت مامورة الجن بتكلم زميلتها بتقلها ان البت اخفت اداة الجريمة اقصد التليفون قبل ما تفتشها طب بزمتكم ده كلام معقول بت لابسة طارحة تحت الطارحة سماعة تليفون حتعرف تخبيها من غير ما تقل الطارحة و بدون ان تلاحظ المراق... اقصد المامورة ... هههههههه بصراحة معتقلين السجن الجديد ده قمة فى الاحترافية .
ده غير بقى ان بعضهم تقمص دور الشويش عطية فى معاملة المساجيين عند وضع الطعام لهم كما فى الافلام حيث يقوم ببعض الكلمات بصوت عالى عشان الكل يخاف لكن مامور سجننا طبعا مش حيقول اى كلام لا ده قال و بالحرف الواحد يلا بقى دخلنا فى الساعة التانية من القرف و البلاوى اللى بتتحدف علينا هههههههه شويش من منازلهم .
ده غير بقى ان فى السجن الجديد منعوا اى شىء من دخول اللجنة حتى الميه طبعا ده للطلبة اقصد المسجونين مش للمراقبيين و مفيش فى ولا لجنة من اللجان الاربعة السابقة ان مر اى احد من العمال بشوية ميه للطلاب و طبعا كان بينزل قهوة و شاى للمراقبيين و بصراحة المراقبيين كانوا عامليين زى الملك اللى بيشرب ميه مثلجة و شعبه لا يجد النقطة الحارة منه و لو وصل بهم الامر لاسقطوا بعضا منه على الارض ليعبروا عن زلهم لنا .
ده طبعا بالاضافة الى دور الظابط اللى تقمسه د / جمال رئيس قسم الارشاد حيث انه يجوب اللجان من اجل بث الرعب لحفظ الامن و يا سلام لو و هو بيمر لقى واحد مجبش اثبات شخصية ولا كانه لقى قضية و لو كان بمقدرته انه يطبق حكم الاعدام عليه فورا لفعلها .
ده كان ملخص اربع لجان للفرقة الاولى من داخل سجن جوانتينامو فرع كلية السياحة و الفنادق الاسكندرية .
هل يا ترى سيتدخل الاعلام المتواطىء معهم فى حل المشكلة و الافراج عنا ام ماذا ؟؟
شاركونا باراكم و لو حصل اى شىء تانى فى لجانكم يا ريت تذكروه ..
عدل سابقا من قبل سفير ايطاليا في الأربعاء يونيو 03, 2009 11:25 am عدل 1 مرات
