من طرف هتلر الأحد مايو 17, 2009 5:22 pmالسلام عليكم ورحمة الله وبركاته
سنبدأ معا مجموعة حوارات مع عدة شخصيات مختلفة فى كل شىء فى الثقافة والاخلاق والبيئة....ونبدأ اولى حوارتنا مع ابو دماغ عاليه اوى.....والى نص الحوار
اولا هو شاب عنده 25 سنه .....الكيف عنده حاجة اساسية وسوف نرى ذلك من خلال نص الحوار ...سوف ارمز لنفسى بحرف ال "ه " هتلر و"م "....:
ه : صباح الفل يا مان
م: صبح صبح
ه :كنت عاوز شوية امور كده عشان تنفعنى فى حياتى افهمها منك عشان انت الكبير
م : يا جدع قول ده انت فل الفل
ه: هو انت بتحب الكيف ليه ؟
م :والله انا كان لى احلام كبيرة جدا وكنت حاطط املى على حاجه لكنها اتدمرت فلقيت الدماغ احلى حاجة انسى بيها
ه : انت بتحس بايه لما تكون دماغك عاليه ؟
م :حاسس اللى انا ملك ماشى على الارض ....مفيش حد ادى وانا الكبير
ه : هو انت بتحس باللى انت عملته ودماغك دماغ ؟
م : ولا اي حاجة ودى احلى حاجه +بس انا ممكن اعرف من خلال صحابى
ه : هو دماغك عشان تتكيف بتتكلف كام ؟ او صاروخ زى ما بتقوله؟
م : -يضحك كثيرا وعاليا - دى ارخص حاجه الحشيش دلوقيتى ...انت ممكن تعمل دماغ ب 2 جينه وده الى مش كيييف وممكن تكون معاك اد صاروخين تلاته
نهاية الحوار
هذا الحوار تم بالفعل مع معرفة دماغه عاليه ....زالمهم اردت ان القى نظرة على حال الشباب واتجاهاتهم وفرحهم وحزنهم بيعملوا ايه لما يواجهوا الفشل والياس
تعالوا معا نستعرض حجم المخدرات فى مصر
حيث اكدت دراسة رسمية ان حجم تجارة المخدرات ما يقرب من 18.2 مليار جينه
هل عرفتم الكارثة التى نحن بصددها ...ماذا يحدث اذا وجهت هذه الاموال الى التعليم والبحث العلمى ....اكيد هتعمل طفرة كبيرة فى حياتنا ....لكن تعتبر المخدرات الوسيلة المثلى للمعادين من تدمير القوة الاساسية والمحرك الاساسى للبلد حتى تعوق التنمية ....حتى اثبتت دراسة علمية ان حوالى ستة ملايين شاب غارقين فى الادمان والمثل الغربى الشهير بكاس وغانية اقوى من مدفع فى التدمير
بالفعل استطعوا ان يفعلوا ما لم تستطيع الدبابات فى تحطيمه
الى اللقاء مع الحوار التالى
حوار مع مثقف
منتظر رايكم الجميل على الموضوع
